மாவட்டம் பற்றி
தமிழ்நாட்டின் வடகிழக்குக் கடற்கரையோரத்தில் காஞ்சிபுரம் மாவட்டம் அமைந்துள்ளது. இதன் கிழக்கில் செங்கல்பட்டு மாவட்டமும், மேற்கில் வேலூர் மாவட்டமும், தெற்கில் திருவண்ணாமலை மாவட்டமும், வடக்கில் திருவள்ளூர் மாவட்டமும் சென்னை மாவட்டமும் அமைந்துள்ளன. இம்மாவட்டம் 11° 00′ முதல் 12° 00′ வடக்கு அட்சரேகை வரையிலும், 77° 28′ முதல் 78° 50′ கிழக்கு தீர்க்கரேகை வரையிலும் அமைந்துள்ளது. மாவட்டத்தின் மொத்த புவியியல் பரப்பளவு 1,704.79 சதுர கிலோமீட்டர். கோயில் நகரமான காஞ்சிபுரம் மாவட்டத் தலைமையிடமாகும். நிர்வாக வசதிக்காக மாவட்டம் 2 வருவாய் கோட்டங்களாகவும், 5 வட்டங்களையும் 524 வருவாய் கிராமங்களையும் கொண்டதாகவும் பிரிக்கப்பட்டுள்ளது. வளர்ச்சிப் பணிகளுக்காக 5 ஊராட்சி ஒன்றியங்களும் 274 கிராம ஊராட்சிகளும் உள்ளன.
