காணத்தக்க இடங்கள்

காஞ்சிபுரம் மாவட்டத்தின் சுற்றுலா இடங்கள்

கைலாசநாதர் கோயில்

கைலாசநாதர் கோயில்

கைலாசநாதர் கோயில்

மிகவும் சிறப்பு மிக்க புகழ் வாய்ந்த கைலாசநாதர் கோயில் காஞ்சிமாநகரில் அமைந்துள்ளது. இக்கோயிலில் உள்ள லிங்கம் 10 அடி உயரம் கொண்டு சிறப்புடன் திகழ்கிறது.
இக்கோயில் 7-ஆம் நூற்றாண்டில் பல்லவ மன்னன் இரண்டாம் ராஜசிம்மவர்மன் அவர்களால் கட்டப்பட்ட கோயில் ஆகும். இக்கோயிலின் கோபுரத்தின் மீது அமைந்துள்ள விமானம் மிகவும் புகழ் பெற்றதாகும். இது பல்லவர்கால சிற்ப கலைக்கு மிகச் சிறந்த எடுத்துக்காட்டு ஆகும்.

கைலாசநாதர் கோயில் சிற்பம்

கைலாசநாதர் கோயில் சிற்பம்

இக்கோயில் முழுவதும் கருங்கற்கலால் கட்டப்பட்டுள்ளது. இக்கோயிலின் மேற்புரம் அனைத்தும் மிகுந்த கலைநயத்துடன் அமைக்கப்பட்டுள்ளது. தற்போது இக்கோயில் இந்திய தொல்பொருள் ஆய்வுத் துறையால் பராமரிக்கப்பட்டுவருகிறது. காலை 6.00 மணி முதல் 12.30 மணி வரையிலும் மாலை 4.00 மணி முதல் 7.30 மணி வரையிலும் திறந்திருக்கும். இக்கோயில் காஞ்சிபுரம் பஸ் நிலையத்தில் இருந்து 3 கி.மீ. தொலைவிலும் 2.7 கி.மீ தொலைவில் காஞ்சிபுரம் ரயில் நிலையமும் அமைந்துள்ளது. இக்கோயிலுக்கு தனியார் டாக்ஸி, ஆட்டோக்களும் இயங்குகின்றன. இக்கோயில் சென்னையலிருந்து 75 கி.மீ தொலைவில் உள்ளது.


காஞ்சி மடம்

காஞ்சி மடம்

காஞ்சி மடம்

மிகவும் புகழ் வாய்ந்தி காஞ்சி காமகோடி பீடம் சங்கரமடம் ஆகும். இம்மடம் ஆதிசங்கரரால் நிறுவப்பட்டு மூலமான்ய சர்வாஜன பீடம் என அழைக்கப்படுகிறது. இம்மடத்தின் 68-வது மடாதிபதியாக காஞ்சி மஹாசுவாமிகள் ஸ்ரீ சந்திரசேகர சரஸ்வதி ஸ்வாமிகள் ஆவார். இத்திருச்சபை 100 ஆண்டுகள் பழமையானது ஆகும். இம்மடத்தின் 69 மற்றும் 70 வது மடாதிபதிகளாக முறையே ஸ்ரீஜெயேந்திர சரஸ்வதி ஸ்வாமிகள், சங்கர விஜயேந்திர ஸ்வாமிகள் உள்ளனர்.


காமாட்சி அம்மன் ஆலயம்

காமாட்சி அம்மன்

இக்கோயில் 12 ஆம் நூற்றாண்டில் அமைக்கப்பட்டு காஞ்சி மாநகரின் மையப்பகுதியில் அமைந்துள்ளது. “க” என்பது கல்விக் கடவுள் சரஸ்வதி என்றும், “மா” என்பது செல்வத்தின் கடவுள் சரஸ்வதி தேவியாகவும் கருதப்படுகிறது. காமாட்சி அம்பாள் சரஸ்வதி தேவியையும், லட்சுமி தேவியையும் குறிப்புடப்படுவதால் காமாட்சி அம்பாள் இருகண்கள் என குறிப்பிடப்படுகிறது. இத்தலம் சக்தி தலம் ஆகும் இது “நாபிஸ்தான ஒட்டியானா பீடம்” என்று அழைக்கப்படுகிறது. இக்கோயிலில் தங்கக் கோபுரம் அமையப்பெற்று தெய்வத்தின் தெய்வமாக இக்கோயில் திகழ்கிறது.
காமாட்சி அம்மன் இக்கோயிலில் அமர்ந்த நிலையில் காட்சி தருகிறாள். காஞ்சிமாநகரில் அம்மனுக்கு என்று தனி சன்னிதியாக இக்கோயில் மட்டும் திகழ்வதாகவும் காஞ்சிமாநகரின் இதயமாக திகழ்வதாகவும் புராணம் கூறுகிறது.
தொலைபேசி எண். 91-44-27233433, 27221214


ஏகாம்பரநாதர் கோயில்

ஏகம்பரநாதர் கோயில்

இக்கோயில் பஞ்சபூத ஸ்தலங்களில் ஒன்றாகும். இக்கோயில் கோபுரம் 57 மீட்டர் உயரத்தில் அமையப்பெற்றுள்ளது. இக்கோயிலின் இராஜகோபுரம் தென்னிந்தியாவின் மிக உயரமான கோபுரம் ஆகும். இக்கோயில் விஜயநகர மன்னர் கிருஷ்ண தேவராயரால் கட்டப்பட்டது. விஜயநகர மன்னர்களால் கட்டப்பட்ட ஆயரம் கால் மண்டபம் மிகவும் புகழ் வாய்ந்ததாகும். ஆலயத்தின் சுற்றுச்சுவர்கள் 1008 சிவலிங்கங்களின் வரிசையுடன் அலங்கரிக்கப்பட்டுள்ளன. இக்கோயில் காலை 6.00 மணி முதல் 12.30 மணி வரையிலும் பிற்பகல் 4.00 மணி முதல் 8.30 மணி வரையில் திறந்து இருக்கும். இக்கோயில் காஞ்சிபுரம் நகரத்தின் மையத்தில் அமைந்துள்ளது. மேலும் காஞ்சிபுரம் பஸ் நிலையத்திற்கு அருகாமையில் உள்ளது.
தொலைபேசி எண். 91-44-27222084


ஸ்ரீ வரதராஜ ஸ்வாமி திருக்கோயில்

வரதராஜ பெருமாள்

ஸ்ரீ வரதராஜர் கோயில் என பிரபலமாக அறியப்படும் ஸ்ரீதேவராஜ ஸ்வாமி திருக்கோயில் காஞ்சிமாநகரின் கிழக்கு மூலையில் அமைந்துள்ளது. இக்கோயில் வளாகம் 23 ஏக்கர் நிலப்பரப்பும் 19 கோபுரங்களும் 400 தூண் மண்டபங்களும் கொண்டு நிர்மாணிக்கப்பட்டுள்ளது. இக்கோயில் 108 திவ்ய தேசங்களில் ஒன்று ஆகும். 12 ஆழ்வார்கள் இக்கோயிலில் விஜயம் செய்து இறைவனின் புகழ் பாடியதாக கூறப்படுகிறது. மே மற்றும் ஜீன் மாதங்களில் இக்கோயிலின் முக்கிய திருவிழாக்கள் நடைபெறுகிறது. இக்கோயில் பல்வேறு காலங்களில் பல்வேறு மன்னர்களால் கட்டப்பட்டுள்ளது. இக்கோயில் நூறு தூண்கள் கொண்ட மண்டபம் விஜயநகர மன்னர்களால் கட்டபட்டது. வெளிநாட்டு சுற்றுலா பயனிகளை ஈர்க்கும் வண்ணம் கலைநயத்துடன் இக்கோயில் அமையப்பெற்றுள்ளது. 1645 ஆம் ஆண்டு தில்லி ஆலாம் கெஹார் பாஷா என்பவரால் இக்கோயிலின் திருப்பணிகள் முழுமை பெற்றுள்ளது.


வைகுண்ட பெருமாள் கோயில்

வைகுண்ட பெருமாள்

8 ஆம் நூற்றாண்டில் நத்திவர்மன் என்ற பல்லவ மன்னனால் இக்கோயில் கட்டபப்டட்து. இக்கோயில் 108 திவ்விய தேசங்களில் ஒன்றாக உள்ளது. வைகுண்டநாதர் (பரமபதநாதர்) மற்றும் வைகுண்டவள்ளி (லட்சுமி) ஆகிய தெய்வங்கள் அமைந்துள்ளனர். இக்கோயில் தற்போது இந்து சமய அறநிலையத்துறையின் கட்டுப்பாட்டில் உள்ளது.
இக்கோயில் மூன்று அடுக்குகளாக அமையப்பெற்றுள்ளது. முதல் அடுக்கில் மூலவர் வைகுண்ட பெருமாள் மேற்கு நோக்கி உட்கார்ந்த நிலையிலும், இரண்டாவது அடுக்கில் அருணாசல பெருமாள் தனது தலையை வடக்கு நோக்கி சாய்ந்த கோலத்திலும் மூன்றாவது அடுக்கில் பரமபதநாதர் நின்ற நிலையிலும் அமையப்பெற்றுள்ளது. இவ்வாறு உட்கார்ந்தநிலை, சாய்ந்த நிலை மற்றும் நின்ற நிலை என மூன்று நிலைகளில் மக்களுக்கு பரமபதநாதர் அருள்பாளிக்கிறார்.
இக்கோயில் குளம் ஐராமுத தீர்த்தம் எனவும், கோயில் விமானம் முகுந்த விமானம் என்றும் அழைக்கப்படுகிறது. ஆண்டு தோறும் வைகுண்ட ஏகாதசி அன்று முக்கிய திருவிழா நடைபெறுகிறது. காஞ்சிபுரம் பேருந்து நிலையத்திலிருந்து நடைபயண தூரத்தில் அமைந்துள்ளது. இக்கோயில் காலை 7.30 மணி முதல் 12.00 மணி வரையிலும் மாலை 4.30 மணி முதல் 7.30 மணி வரையிலும் திறந்து இருக்கும். இக்கோயிலின் தொலைபேசி எண். 91-44-27269773, 9443990773.


மசூதிகள்

காஞ்சிமாநகரில் இரண்டு முக்கிய மசூதிகள் அமைந்துள்ளன. இம்மசூதிகள் 300 ஆண்டுகளுக்கு முன்னர் கர்நாடக நவாப்களால் கட்டப்பட்டுள்ளது. இம்மசூதிகள் ஜமா மஸ்ஜித் என அழைக்கப்படுகிறது. மசூதியின் உள்ளே 108 சிவலிங்கம் அமைக்கப்பட்டு மத ஒற்றுமைக்கு உதாரணமாக திகழ்கிறது. புகழ் பெற்ற வைகுண்ட பெருமாள் கோயிலுக்கு அருகில் ஒரு மசூதி அமைந்துள்ளது. வைகுண்ட பெருமாள் கோயிலுக்கும் மசூதிக்கும் ஒரே குளம் பொதுவாக அமையப்பெற்று மத நல்லினக்கத்திற்கு வழி வகுக்கிறது. மேலும் ஸ்ரீ வரதராஜ ஸ்வாமி திருக்கோயில் பிரம்மோற்வத் திருவிழாவில் முஸ்லீம்களும் இடம் பெறுவது சிறப்பாகும்.

திருவிடந்தை

திருவிடந்தை

இக்கோயில் சென்னை மற்றும் மாமல்லபுரத்திற்கும் இடையே கிழக்கு கடற்கரை சாலையில் அமைந்துள்ளது. இக்கோயில் 1000 ஆண்டுகள் பழமை வாய்ந்த கோயில் ஆகும். இக்கோயிலில் நித்திய கல்யாண பெருமாள் மூலவராக உள்ளார். மேலும் இங்கு அழகிய வராக பெருமாள் அமைந்துள்ளார். திருமணமாகாதவர்கள் இக்கோயிலில் வழிபடுவதால் அவர்களுக்கு விரைவில் திருமணம் நடைபெறுவதாக கூறப்படுகிறது.


சகுந்தலா ஜகந்நாதன் அருங்காட்சியகம் (நாட்டுப்புற கலைகள்)

400 ஆண்டுகள் பழமை வாய்ந்த முதுகலையான நாட்டுப்புற கலைகள் சர் சி.பி.ராமசாமி அய்யர் அவர்கள் வாழ்ந்த வீடு அருங்காட்சியகமாக அமைக்கப்பட்டுள்ளது. இங்கு பழங்காலப் பொருட்களான பாரம்பரிய ஓவியம், பழங்கால பாம் இலைகள், இசைக்கருவிகள், பூஜைப்பொருட்கள், விளக்குகள், கற்சிலைகள், பாரம்பரிய உடை அலங்காரம், அலங்கார விளக்குகள், பட்டு பருத்தி மற்றும் கைத்தறி உடைகள், நகை மற்றும் உள்நாட்டு புத்தகங்கள் ஆகியவை இங்கு காட்சிக்கு வைக்கப்பட்டுள்ளது.

சீனிவாச பெருமாள் கோயில் (செம்மஞ்சேரி)

காஞ்சிபுரம் மாவட்டத்தில் செம்மஞ்சேரியில் அமைந்துள்ள இத்தலம் தற்போது இந்து சமய அறநிலையத்துறையினரால் பராமரிக்கப்பட்டு வருகிறது. இத்தலம் 500 ஆண்டுகள் பழமை வாய்ந்ததாக கருதப்படுகிறது. ஆனால் இவ்வூரில் வாழும் மக்கள் இத்தலம் 1500 ஆண்டுகள் பழமை வாய்ந்தது என தெரிவிக்கின்றனர். சென்னைக்கு 30 கி.மீ. தொலைவில் பழைய மாமல்லபுரம் சாலையில் இக்கோயில் அமைந்துள்ளது. இக்கோயில் பல்லவ மன்னர்களால் கட்டப்பட்டதாக கூறப்படுகிறது. பார்வை குறைபாடு உடையவர்கள் வேண்டினால் கண் குறைபாடுகள் நீங்குவதாகவும் திருமணம் ஆகாதவர்கள் மற்றும் குழந்தை பேறு இல்லாதவர்கள் வேண்டினால் அவர்கள் குறை தீர்வதாகவும் கூறுகின்றனர். இக்கோயில் காலை 7.00 மணி முதல 11.00 மணி வரையிலும், மாலை 4.00 மணி முதல் 8.00 மணி வரையிலும் திறந்திருக்கும். தொலைபேசி எண்- 984038836, 9840069650

முதலை வங்கி

முதலை வங்கி

முதலை வங்கி தமிழ்நாடு தலைநகர், சென்னையில் மஹாபலிபுரம் அருகே 44 கிமீ தொலைவில் உள்ளது. இது 3.2 ஹெக்டேர் பரப்பளவில் விரிவுபடுத்தப்பட்டுள்ளது, இதில் பரவலான இந்திய மற்றும் ஆப்பிரிக்க முதலைகள், கடற்பாசிகள் மற்றும் ஆமைகள் மற்றும் பாம்புகள் உள்ளிட்ட பிற ஊர்வனவற்றை உள்ளடக்கியது. இங்கே முதலைகள் அவற்றின் இயற்கையான வாழ்விடங்களில் வைக்கப்படுகின்றன. 1976 ஆம் ஆண்டில் ஜெர்மன் உயிரியலாளரான ரோமுலஸ் வைட்டகரால் நிறுவப்பட்ட இந்த முதலைகள் மற்றும் மூங்கில் வகை இனங்கள் இனங்கள் பாதுகாக்கப்படுவதால், இந்த ஊர்வனவற்றிற்கு ஏராளமான நிழல்களை வழங்குவதற்காக பசுமையான வெப்பமண்டல தாவரங்கள் வழங்கப்படுகின்றன. அதன் நடைமுறையில், முதலைகளின் மொத்த தொகை 30 மட்டுமே. தற்பொழுது, 14 வகையான முதலைகள், 12 பேராசிரியர் ஆமைகள் மற்றும் 5 வகை பாம்புகள் உள்ளன. இவை மொத்தம் 2,400 ஊர்வன வங்கிகளில் உள்ள ஊர்வனவாகும்.
திறக்கும் நேரங்கள்: செவ்வாய் – ஞாயிறு: 7.00 மணி. – 8.30 மணி.
(முன்கூட்டியே முன்பதிவு மட்டும்) தொலைபேசி: +91 -44 27472447


அறிஞர் அண்ணா உயிரியல் பூங்கா (வண்டலூர்)

வண்டலூர் உயிரியல் பூங்கா

இப்பூங்கா 1976 ஆம் ஆண்டு துவங்கப்பட்டது 1985 ஆம் ஆண்டு பொது மக்கள் பார்வைக்காக திறக்கப்பட்டது. 62 ஏக்கர் நிலப்பரப்பில் அமைக்கப்பட்டு தெற்காசியாவிலேயே இப்பூங்கா முதன்மையானதாக திகழ்கிறது. இங்கு 40 வகையான பறவையினங்கள், 14 வகையான ஊர்வனவையும், விலங்கினங்கள் பாதுகாப்பதறக்கான அமைப்பும் செயல்படுகிறது. இங்கு விலங்கினங்கள் ஆராய்ச்சி மற்றும் விலங்கினங்கள் குறித்தான விழிப்புணர்வு போன்றவை இங்கு வரும் சுற்றுலா பயணிகள் மற்றும் பள்ளி மாணவர்களுக்கு விளக்கப்படுகிறது.
பட்டுப்பூச்சி பூங்கா 2.7 ஏக்கர் நிலப்பரப்பில் அமைக்கப்பட்டுள்ளது. மேலும் இங்கு 4 கோடி ரூபாய் மதிப்பில் 200 வகையான வண்ணப்பூக்கள் பூக்கும் தாவர பண்ணை அமைக்கப்பட்டுள்ளது. காலை 9.00 மணி முதல் 5.00 வரை இயங்கும். ஒவ்வொரு செவ்வாய் கிழமை விடுமுறை விடப்படுகிறது. தொலைபேசி எண் 044-22751089


கோவளம்

சென்னையிலிருந்து 40 கி.மீ. தொலைவில் கடலுக்கு அருகாமையில் மாமல்லபுரம் செல்லும் வழியில் அமைந்துள்ள கிராமம் ஆகும். இக்கிராம எல்லைக்குள் புகழ்பெற்ற தேவாலயம் மற்றும் மசூதியும் உள்ளது. இங்கு கட்டுமர சவ்வாரி மற்றும் கடல் மைவிங் போன் பொழுது போக்கு அம்சங்கள் நிறைந்து இருப்பதால் அதிக அளவில் சுற்றுலா பயணிகள் வந்து செல்கின்றனர்.

முட்டுக்காடு படகு துறை

முட்டுக்காடு படகு துறை

தமிழ்நாடு சுற்றுலாத்துறையால் இங்கு ஒரு படகு மையம் இயங்குகிறது. கடலில் நீல வானம் ஒளிர்வதை காணலாம். இங்கு ஆண்டு தோறும் பிப்ரவரி மாதத்தில் விண்டுசர்பிங் ரெகேட்டா ஏற்பாடு செய்யப்பட்டுள்ளது. முட்டுக்காடு படகு குழுமத்தால் வேகப்படகு சவாரி, நீர் சறுக்கு விளையாட்டு போன்ற பொழுதுபோக்கு அம்சங்கள் நிறைந்துள்ளது. வங்காள விரிகுடாவிற்கு 36 கி.மீ தொலைவில் உள்ளது. மாமல்லபுரம் சாலையில் அடையாறுக்கு 23 கி.மீ தொலைவில் முட்டுக்காடு படகு துறை உள்ளது. காலை 9.00 மணி முதல் மாலை 6.00 மணி வரை இயங்குகிறது. தொலைபேசி 9952995827


உலகளந்த பெருமாள் கோயில்

உலகளந்த பெருமாள்

உலகளந்த பெருமாள் விஷ்ணு பகவானின் ஐந்தாவது அவதாரம் (வாமன அவதாரம்) ஆகும். பிரம்மாவின் பிரமாண்ட வடிவமாக அமைந்துள்ளது இப்பெருமாள் ஆகும். இக்கோயில் ஜெயங்கொண்ட சோழனால் கட்டப்பட்டதாகும்.

இக்கோயில் நான்கு திவ்விய தேசங்கள் கொண்டு அமைந்துள்ளது. 1. திரு ஓரகம், 2. திருநீரகம், 3. திருக்காரவனம் ஆகும். இது எங்கும் காண முடியாத தனித்துவம் வாய்ந்த அம்சம் ஆகும். ஒரே கோயிலில் நான்கு திவ்விய தேசங்களை அமைந்திருப்பது காஞ்சிமாநகருக்கு பெருமை சேர்ப்பதாகும்.


காஞ்சிபுரம் பஸ் நிலையத்திற்கு மிக அருகாமையில் இத்தலம் அமைந்துள்ளது. இக்கோயில் காலை 7.00 மணி முதல் 12.00 மணிவரையும் மாலை 4.00 மணி முதல் 8.00 மணி வரையில் திறந்திருக்கும். தொலைபேசி 91+ 94435597107, 9894388279, 9443903450, 9442553820, 9787414773


மாமல்லபுரம் (மஹாபலிபுரம்)

மாமல்லபுரம்

மாமல்லபுரம் நிறைய ரிசார்ட்டுகள் அமைந்துள்ள ஒரு சுற்றுலா மையம் ஆகும். இங்கு அறிய நினைவு சின்னங்கள் மற்றும் கோயில்கள் நிறைந்துள்ளது. இது கடற்கரையில் பரந்து விரிந்து உருவாக்கப்பட்டுள்ளது. பல்லவ வம்சத்தால் உருவாக்கப்பட்டதோடு அவர்கள் ஆட்சிக் காலத்தில் இது பல்லவ வம்சத்தின் துறைமுகமாக திகழ்ந்தது. நரசிம்ம வர்மன் மாமல்லன் என்ற பெயரில் ஒரு பெரிய மல்யுத்த வீரராக இருந்ததால் மாமல்லபுரம் என பெயரிடப்பட்டது. இது மிகவும் கவர்ச்சிகரமான கடற்கறை ஆகும். இங்கு ரதங்கள், மண்டபங்கள், மற்றும் குகை கோயில்கள் அமைந்துள்ளது. 100 அடி நீளம் கொண்ட அர்ஜீனா பீனான்ஸ் உள்ளது. இங்குள்ள சிவன் கோயிலில் என்னற்ற சிற்பங்கள் நிறைந்துள்ளது.
திராவிட பாரம்பரியம் மிக்க கட்டிடக்கலை நயத்துடன் கூடிய இந்த கடற்கரை கோயில் வளாகத்தில் இரண்டு சிறிய கோயில்கள் உள்ளன. இது தென்னிந்தியாவின் மிகப்பெரிய கட்டமைப்பு ஆகும். இது யுனெஸ்கோ அமைப்பின் தளத்தில் பாரம்பரிய சின்னமாக வகைப்படுத்தப்பட்டுள்ளது. இங்கு திறந்த நிலை அருங்காட்சியகம் அமைக்கப்பட்டுள்ளது. இங்கு கட்டிடக் கலைக்கல்லூரி, சிற்ப வேலைப்பாடுகள், கைவினைப்பொருட்கள் நீண்ட அழகான கடற்கரையில் மில்லியன் கணக்கான சுற்றுலா பயணிகள் வந்து செல்கின்றனர். ஹோட்டல் தமிழ்நாடு, தமிழ்நாடு சுற்றுலாத் துறை அலகு-1, பீச் ரிசார்ட் காம்ளக்ஸ் எண். 2744 2361 – 64


முதலியார் குப்பம்

முதலியார் குப்பம்

தமிழ் நாடு சுற்றுலாத் துறையினரால் இந்த படகு இல்லம் பராமரிக்கப்பட்டு வருகிறது. சென்னை நகரிலிருந்து 90 கி.மீ தொலைவில் அமையப் பெற்றுள்ளது. மாமல்லபுரம் தெற்கில் 30 கி.மீ தொலைவில் அமைந்துள்ளது. இந்த படகு இல்லத்தில் பல வகையான படகு சவாரி- வாழைபழ படகு சவாரி, வட்டர் ஸ்கூட்டர், விறைவு படகு சவாரி போன்றவை நடத்தப்படுகிறது. இதற்கு அருகாமையில் உள்ள ஒதியூர் ஏரியில் படகு சவரி நடத்தப்பட்டு வருகிறது.ஓடியூர் ஏரியின் கடற்கரை தீவுக்கு மோட்டார் படகுப் பயணங்களை ஏற்பாடு செய்கிறது


ஸ்ரீ அஷ்டபுஜ பெருமாள் கோயில்

ஸ்ரீ அஷ்டபுஜ பெருமாள் கோயில்

இங்கு விஷ்ணு பகவான் நான்கு கைகளுடனும் 8 ஆயுதங்களுடனும் தோற்றமளிக்கிறார். 108 திவ்விய தேசங்களில் ஒன்றாக கருதப்படுகிறது. இக்கோயிலில் மங்களாசனமாக ஆழ்வார்கள் உள்ளார்கள். தொண்டை மண்டல சக்கரவர்த்திகளில் புகழ்பெற்ற வைரமோகன் என்பவரால் இக்கோயில் கட்டப்பட்டுள்ளது.
இத்தலம் ஆதிகேசவ பெருமாள் 8 கைகளுடன் காட்சியளிக்கிறார். வலது பக்க கைகளில் சக்கரம், வாள், பூ, அம்பும் இடது பக்க கையில் சங்கு, வில், கேடயம் மற்றும் கதை போன்ற ஆயுதங்களுடன் காட்சியளிக்கிறார்.
ஒரு ஏக்கர் நில பரப்பில் ஒரு ஒற்றை பரிகாரத்துடக் இக்கோயில் அமைந்துள்ளது. இக்கோயில் வடக்கு நுழைவாயிலில் 3 வரிசை ராஜ கோபுரம் அமைந்துள்ளது. இக்கோயிலின் குளம் கஜேந்திர புஷ்கரணி என போற்றப்படுகிறது. பூவராகர், ஆண்டாள், பேயாழ்வார் மற்றும் ஹனுமன் ஆகியவர்களுக்கு தனித்தனி சன்னிதிகள் அமையப் பெற்றுள்ளது. இக்கோயில் காலை 7.00 மணி முதல் 12 மணி வரையிலும் மாலை 4.00 மணி முதல் 8.00 மணி வரையில் திறந்திருக்கும். இக்கோயில் காஞ்சிபுரம் பஸ் நிலையத்திலிருந்து 2 கி.மீ தொலைவில் உள்ளது. தெலைபேசி எண். 91 + 44-27225242.


சுந்தர வரத பெருமாள் கோயில், உத்திரமேரூர்

சுந்தர வரத பெருமாள் கோயில்

சென்னையிலிருந்து 85 கி.மீ. தூரத்தில் உள்ளது. இந்த ஆலயம் சுமார் 1200 ஆண்டுகள் பழமை வாய்ந்ததாகும். வாஸ்து சாஸ்திர வல்லுனரான பரமேஸ்வரனின் உதவியுடன நந்தி வர்மரால் இக்கோயில் கட்டப்பட்டது. இக்கோயிலில் சோழர் மற்றும் விஜயநகர பேரரசர்கள் பற்றிய கல்வெட்டுகள் அமைந்துள்ளது. கிருஷ்ண யஜிர் வேத வைகேசன ஆகமணத்தின்படி இங்கு சடங்குகள் நிகழ்த்தப்படுகின்றன. இங்கு காமாட்சி சமேதமாக ஸ்ரீ கைலாச நாதர் பக்தர்களுக்கு காட்சியளிக்கிறார். இக்கோயில் உத்தராய சோழர் காலத்தில் கட்டப்பட்டதாக நம்பப்படுகிறது.விஷ்ணு பொதுவாக 3 வடிவங்களில் ஒன்று காணப்படுகிறார்,
நின்ற நிலை,உட்கார்ந்த நிலையில் அல்லது சாய்ந்த நிலையில்.இந்த 3 வடிவங்களில் மகா விஷ்ணுவின் தர்ஷனைக் கொண்டிருக்கும் சில கோயில்களில் இதுவும் ஒன்றாகும்.